Startsitä

Willkommä uf minere Sitä vom Wüssä. Mis Ziel isches Wüssä idä Bereichä Gsundheit, Sport und Technologie witer zghä. Vieli Sachä han ich dur mini Usbildig und mini eigene Erfahrige in Sport und Bruäf scho gse, ich möcht eu Quelle vo Wüssä witer ge, wo vertrauenswürdig sind. Das sind uf dä eintä Sitä Personä aber au Institute vodä beste Univerisäte vo dä Wält. Aber au diä Experte chamer hinterfrögä, chan nahackä. Es wird immer me Fragä als Antwortä ge, aber genau das isch ja spannendä dra. Guäti Experte das isch scho da verratä, sind diä wo me Fragä als Antwortä händ. Sind vorsichtig bi Lüt wo säged, dass isch viel zkompliziert oder dieä anderä wo säged es segi ganz eifach. Die händ sich nämlich nöd würklich mit em Thema ussänand gsetzt. Vieles bim Mänsch isch nöd kompliziert sondern komplex und eifachi Erchlärigä sind meistens nur dazuä da sich nöd müässä igestah: ich weiss es nöd. Drum sind kritisch und hinderfröged dSachä (Aber bitte nöd im Sinn vo: alles wüssäschaftlichä isch schlächt: Schwerkraft blibt Schwerkraft. Punkt)