Ich bin dä Reto Niedermann, geborä und usbildet wordä idä Schwiiz. Ich han mit Ruderä agfangä, da bin ich 12 Jahr alt gsi, ich bin vo 1999 bis 2006 Mitglied vo
dä Rudernationalmannschaft gsi. Mit em Höhepunkt als 9. vom Weltcup Luzern, 6. adä U-23 WM und als Ersatzma im Swiss Olympic Team für Athen 2004. Ich han 13 Medallie, dävo 2 Goldigi (Einer 2004, Doppelzweier 2007), i dere Zit an Schwizermeisterschaftä im Ruderä gunnä.
Ich bin promoviertä Gesundheitswüssäschaftler (Dr. sc. ETH) vodä ETH Zürich (9 Platz 2016 im Times Higher Education Ranking). Zusätzlich han ich mich no witerbildet im Bereich Software und Technologie adä Fachhochschuäl in Rapperswil. Drum gsen ich mich als Experte im interdisziplinäre Bereich vo Gsundheit und Softwaretechnologieä, ich probierä dieä zwei Bereich zverbindä, da sie in Zukunft immer wichtiger werdet werdä. Im mim bald folgendä Blogartikel wird ich no me zum Thema Experte schribä, und wird det au en ehrlichi Bewertig vo minä eigene Fähigkeitä machä, ob ich mich als Expert scho gsenä, blibed dra, es lohnt sich.